Ifølgje Frivillighet Norge er det seks barrierar som gjer at ikkje alle barn og unge deltek i fritidsaktivitetar: Økonomi, kultur, tilgjengelegheit, tid, oppfølging og kjennskap. Vi i offentleg sektor og frivilligheita i Vestland jobbar vi for å senke desse barrierane saman. Fritidserklæringa Vestland slår fast at vi i større grad må samarbeide for å løyse desse utfordringane, slik at fleire barn og unge får medverke og ta del i fritidsaktivitetar.
Gjennom Fritidserklæringa Vestland forpliktar vi oss til å jobbe for
- at fritidsaktivitetane skal vere opne, trygge og inkluderande
- å redusere barrierar for deltaking
- å legge til rette for at fleire arenaer blir universelt utforma
- å sørge for låge kostnader for å delta
- å sikre at barn og unge får medverke i utviklinga av fritidsfeltet
- å jobbe for at barn unge finn ein aktivitet dei trivst med og opplever meistring gjennom fritidsaktivitetar
Den nasjonale fritidserklæringa vart først vedtatt i 2016 og på ny i 2022. Ho er signert av regjeringa og mange aktørar frå offentleg og frivillig sektor. Fritidserklæringa byggjer på barnekonvensjonen til FN, artikkel 31, som seier at barn har rett til kvile, fritid og leik, og til å ta del i kunst og kulturliv.
Fritidserklæringa Vestland forpliktar oss til saman å finne betre løysingar slik at alle barn og unge kan delta i fritidsaktivitetar i lag med andre.
Disse signerte Fritidserklæringa 28. september:
- Vestland fylkeskommune: Stian Davies
- Vestland idrettskrets: Nils R. Sandal
- KS Vestland: Petter Sortland
- Statsforvaltaren i Vestland: Liv Signe Navarsete
- Vestland ungdomsutval: Ådne H. Wilberg
- Vestland Musikkråd: Åsmund Aasebø
- Forum for Natur og Friluftsliv Hordaland: Gunvar Mikkelsen
- Forum for Natur og Friluftsliv Sogn og Fjordane: Åsmund Nordgulen
- Vestland Innvandrerråd: Nooshin Zaery Loolani
- Vaksenopplæringsforbundet Vestland: Torgeir Toppe
- Vestland Frivilligsentralar: Margrethe Utkilen
- Funksjonshemmedes Fellesorganisasjon (FFO) Vestland: Michael Sønnesyn
- Samarbeidsforumet av funksjonshemmedes organisasjoner (SAFO) Sørvest og Nordvest: Sylvi Leirvaag
F.v. Stian Davies, fylkesvaraordfører, Lubna Jaffery, kulturminister og Magnus Hesjedal Hartwig, leiar i Vestland idrettskrets sitt ungdomsutval som har vore med å utarbeide Fritidserklæringa.
Du kan lese meir om erklæringa på www.vlfk.no/fritidserklaring