Den samla søknadssummen til årets spelemiddeltildeling i Vestland var 721 973 000 kroner. Med 258 millionar til fordeling, er ventetida framleis lang, men ho går ned. Gjennomsnittleg ventetid var 4,63 år i 2019, og i 2024 er ventetida nede på 3,03 år.
Hovudutvalet fordelte spelemidlane i møtet 28. mai. Spelemidlane er del av overskotet til Norsk Tipping og går til både ordinære anlegg og nærmiljøanlegg, altså anlegg som legg til rette for eigenorganisert aktivitet nær der folk bur.