Idrettens Møteplass er eit fellesidrettsleg arrangement, med foredrag, treningssamling for ungdom og ulike møte. Føremålet er å møtast, bli kjent og dele erfaringar på tvers av idrettar, bli oppdatert på kunnskap innanfor trening og idrett, samt å få gjennomført aktuelle møte eller kurs.
Idrettens Møteplass 2024 vart gjennomført i Førdehuset og på Førde Ungdomsskule søndag 27. oktober 2024.
Under følger rammeprogrammet og ein kort omtale av innhaldet:
Foredrag med Halvard Grendstad frå Norges Idrettshøgskule:
Halvard Grendstad har nyleg levert ei doktorgrad ved Norges idrettshøgskule, der han har forska på effekten av trening gjennom puberteten. Med ein bakgrunn frå idrettsfysiologi og erfaring frå ungdomsidretten har han omfattande kunnskap om korleis puberteten kan påverke prestasjon og treningsresultat. I foredraget delte han innsikt som kan støtte planlegging av trening gjennom denne viktige utviklingsperioden. Om lag 40 deltok.
Her er presentasjonen frå foredraget.
Halvard Grendstad har også skrive fleire innlegg på NIH-bloggen: Jakob Ingebrigtsen er unntaket. Hugs dei som ikkje er best som ungdommar. Dropp morgontrening: - La ungdommen sove.
Foredrag med Skadefri v/ Marit Smørdal og Aud Vassbotten Storøy
Skadefri er ein del av Senter for idrettsskadeforsking, som er anerkjent som eitt av verdas leiande forskingsmiljø innanfor idrettsmedisin og vert drive i nært samarbeid med Olympiatoppen. Føremålet til Skadefri er å førebygge skadar og andre helseproblem i idrett, med fokus på risikofaktorar, skademekanismar og skadeforebyggande tiltak. Smørdal er manuellterapeut og idrettsfysioterapeut, medan Storøy er spesialist i allmenn fysioterapi. Dei jobbar til dagleg ved Aktiv fysio- og manuellterapi i Førde.
Her er presentasjonen frå Skadefri-foredraget. Skadefri heldt òg ei økt for ungdommane som var på treningssamling.
Treningssamling for ungdom
Eivind Øygard og Roger Pollen hadde ansvaret for tre økter på treningssamlig for ungdom mellom 12 - 19 år. Samlinga var open for alle idrettar, og enda med 25 deltakarar frå både Nordfjord, Sunnfjord og Sogn. Det blei gjennomført ulike former for basistrening, både styrke, balanse, koordinasjon, uthald (blant anna alt baka inn i ei utfordrande hinderløype). I tillegg var første økta for dagen med Skadefri, og Halvard Grendstad frå NIH hadde eit føredrag for ungdommane.
Felles lunsj i Festsalen i Førdehuset
Det er alltid ei triveleg ramme og god prat i lunsjen på Idrettens Møteplass. I år var om lag 80-90 personar til lunsj. Både deltakarar på treningssamling, foredrag og særkretsane sine haustmøte var samla her.
Haustmøte i særkretsar
På ettermiddagen gjennomførte Sogn og Fjordane skikrins, Sogn og Fjordane Orienteringskrins og Sogn og Fjordane Friidrettskrins sine årlege haustmøte med god deltaking.
Idrettens Møteplass 2022 vart gjennomført i Trivselshagen og -hallen 5. november 2022. Under er rammeprogrammet vedlagt med deltakartal og kort omtale.
Rammeprogram 2022:
Felles foredrag, Kultursalen i Trivselshagen. Ca 50 deltakarar
Felles lunsj, kantina i Trivselshagen. Her samlast alle som deltek på møteplassen til felles pizza i kantina. Gode samtalar og møte på tvers av idrettane og organisasjonsledd. Om lag 100 deltakarar til lunsj.
Treningssamling for ungdom på tvers av idrettar (dagssamling)
Trenarar var Magnus Hesjedal Hartwig og fire trenarar frå Sandane IL Turn. Opplegget var to treningsøkter med basistrening, "turn for ikkje-turnarar" og ei sosial/bli-kjent økt i tillegg til felles lunsj i Trivselshagen. 35 unge utøvarar mellom 12 - 19 år deltok på samlinga, som også blir gjennomført i samarbeid med Sogn og Fjordane friidrettskrins.
Kurs KlubbAdmin (medlemssystem, idrettslag)
Haustmøte i Sogn og Fjordane Skikrins
Haustmøte i Sogn og Fjordane Friidrettskrins
Haustmøte i Sogn og Fjordane Orienteringskrins
Styremøte i Vestland idrettskrets
Arrangementsstad: Sogndal vidaregåande skule/Sogndal idrettshall
Idrettens Møteplass vart i 2020 gjennomført i tråd med covid-19-restriksjonar i Førdehuset og på Førde Ungdomsskule i Sunnfjord kommune.
Andre forum/kurs denne dagen:
Haustmøte Sogn og Fjordane Skikrins
Ope lagleiarmøte Sogn og Fjordane Orienteringskrins
Møte Sogn og Fjordane Friidrettskrins
Vi takkar for oppmøtet!
Alle foto: Sogn og Fjordane idrettskrins
Over 180 var innom den første utgåva av Idrettens Møteplass, der Johan Kaggestad innleia med foredraget "Allsidig grunnlag for å nå toppen".
Johan Kaggestad. Foto: Idrettskrinsen.
Johan Kaggestad innleia med foredraget «Allsidig grunnlag for å nå toppen». Med fagleg tyngde kombinert med humoristiske vinklingar fenga og traff det godt blant dei over 100 frammøtte.
På boksleppet «50 idrettsheltar frå Sogn og Fjordane» fortalte forfattar Rune Fossum Lillesvangstu om møta med dei ulike idrettsheltane og både dei kjende og ukjende historiene.
Etter lunsj var det ulike møter og kurs. Årets idrettsrådsamling med fokus på kommunesamanslåing, kurs i økonomistyring for idrettslag, haustmøtet til Sogn og Fjordane Skikrins og ope lagleiarmøte til Sogn og Fjordane Orienteringskrins.
Idrettsglede på treningssamling. Foto: Sogn og Fjordane idrettskrins.
Treningssamling for ungdom har vore arrangert som ei basissamling på tvers av idrettar for målgruppe 12 - 19 år. Treningssamlinga har vore arrangert som ein del av Idrettens Møteplass frå 2017 - 2022, men vert ikkje arrangert i 2023.
